كلام دين جميل (ارجوا الردود)

عشان قول الله تعالى
فذكر انما انت مذكر لست عليهم مبصيطر

احنا بنقول للبنت صلي
واتحجبي
وبنقول للشاب اتقي الله
وبطل سجاير
وبنقول لكل الناس اتقوا الله وماتعملوش المعاصي
وغضوا بصركم

جميل الكلام ده يبقى الاسلوب اللين الهين

اللي بيقول للناس معلومة دينية لازم يكون واعي هو بيقول ايه؟
ويوصلها بالطريقة الحلوة اللي وصلتله بيها

وكما قال رسول الله صلى الله عليه وسلم
بلغوا عني ولو آيه

عايزين نبلغ يبقى نبلغ صح
عشان نوصل الدين صح

ازاي اكون داعية وقلبي غليظ وبوصل للناس معلومة بشدة , واللهي ساعتها ماحدش حيسمع كلامي والناس حتكرهني وحتبعد عني ومش حتسمعلي ولا مرة تاني , ولا كمان حيطبقوا دين ربنا

يبقى انا استفدت ايه؟؟
ولا حاجة
وبدل ما اجني ثمار دعوتي للناس من ثواب وجزاء حسن من الله
حيتحول الموضوع
وحكون كرهتهم في الطاعة


آه هو انا بقنع الناس اللي قدامي بكلامي وزي الكلام عن الحجاب لازم اقنع البنات بيه
عشان ايه يبدأوا يقتنوا يتحجبوا


ونصيحة لكل واحد يسمع كلام حلو عن الدين مايتأخرش لحظة في تنفيذه
لان الكلام الحلو ده نابع من كلام ربنا لينا اللي بلغهولنا رسول الله
الذي يريد لنا كل الخير


ياجماعة
الموت يأتي فجئة
ولا ندري اين ومتى
ولاندري انقبض على الطاعة ام على المعصية
ولا ندري انقبض على حسن الخاتمة ام على سوء الخاتمة

فيقول الله تعالى: وَلِكُلِّ أُمَّةٍ أَجَلٌ فَإِذَا جَاءَ أَجَلُهُمْ لا يَسْتَأْخِرُونَ سَاعَةً وَلا يَسْتَقْدِمُونَ {الأعراف:34}


معنى الدين يسر
يعني اني بيسر للناس الموضوع بسهل
بقول قيام الليل سنة وبقول للناس تزود
واللي مايقدرش يصلي مثلا 8 ركعات
يصلي 6
واللي مايقدرش يبقى 4
او 2

وهكذا
وبرضة نقول اللي ربنا كارمه بطاقة وصحة يصلي الي ماشاء الله

نبسط الأمور مانصعبهاش على الناس
مانقولش لازم تطلع صدقة 20 جنيه في الشهر
ممكن واحد مايقدرش
وممكن واحد يطلع اكتر

لأ نقول الصدقة ثوابها عظيم قوي
وحسب نيتك
قال رسول الله صلى الله عليه وسلم
انما الاعمال بالنيات وانما لكل امرئ مانوى

الدين يسر يعني اللي يقدر يطلع حاجة يطلعها من اقل شئ لاكبر شئ حسب مقدرتك

وكل ماكانت النية خالصة لوجه الله كل ما كان العمل مقبول اكثر وثوابه اكبر حتى لو كان العمل قليل


اللهم ارزقنا جميعا
حسن الخاتمة



هو ده كلامنا يارب يكون مفيد ويكون خالص لوجه الله
وجزاكم الله خيرا

(اللهم انا نساللك الاخلاص فى القول و العمل)